娄一晨专栏 - 假球少年化

 2022-08-15    19  

前天,出门办事,巧遇老友L,顺便就找了家咖啡馆坐下闲聊。

L:娄啊,侬礼拜一做额直播我看了呀,聊申花红牌额事体,扎劲!但是还有一桩事体侬哪能没讲到啦?就是上额礼拜广东两支小朋友球队决赛打假球。我老想听听侬额讲法呀......

娄一晨专栏 - 假球少年化

我:哎呀,广东迭场小朋友假球我也是最近两天稍微研究了一眼,具体哪能我也没完全搞清爽来......侬晓得额呀,小朋友足球平常啥有介许多人关心啦?

L:到底是假球吗?中国足球到现在还胆子介大敢踢假球?而且还是十几岁个小朋友?

我:我是看到网上有微信朋友圈截图讲迭个两支球队侪是广州足协旗下个,一支就叫广州队,另外一支清远队呢实际上是老早额恒大少年队。讲是广州足协一定要广州队拿广东省运会的冠军。

L:嗯,侬迭能一讲就讲得通了!让球我晓得额,阿拉中国体育额传统美德呀。老早中国乒乓球队勿就是自家人让来让去,有辰光还要让拨外国人......各么,中国足协有啥讲法吗?我看到新闻推送,讲中国足协已经宣布派人去调查了?

我:唉,老兄啊,中国足协么是拨舆论逼出来个呀!假使勿是因为这几天里厢舆论闹了太凶,视频到处流传,中国足协根本就勿会出来发声音!啊是?因为本来迭个广东省运会哦比赛就跟我中国足协勿搭界,里厢是勿是有啥地方足协领导打招呼、发脾气、拍台子、掼鞋子侪是伊拉广州足协哦事体。勿是瞎讲啥,中国足协心里厢一定已经骂山门骂了无数遍——又拖我下水,又把我停了杠头廊厢......

L:哈哈哈,娄啊,促刻是侬促刻呀......但是,中国足协既然已经宣布要调查了,总归要拨大家一个交代咯......否则哪能收场呢?

我:唉呀,阿哥啊,迭个生活呒没办法弄额......收场?侬想哪能收场?公事公办?铁面无私?侬有证据?侬哪能晓得是广州足协额领导光火了发条头出来叫对面清远让球?侬亲眼看到?听到?还是讲侬就是具体操办个中间人?勿会得有证据啊!到最后只会寻两个教练啊、领队啊、球员啊出来承担一下责任、处罚一下。顶多再发两张通告出来吼两声、凶两句,结束......

L:唉,让十几岁个小朋友就开始踢假球,而且还要让大家侪习惯?所以讲,中国足球哪能搞得好......

发表评论:

原文链接:http://www.tzjcw.com/post/louyichenzhuanlan-jiaqiushaoni.html

=========================================

http://www.tzjcw.com/ 为 “世界杯买球app-世界杯买球入口” 唯一官方服务平台,请勿相信其他任何渠道。

最新留言
友情链接